Guillaume filz Perrenat Regnal d’Urserey vend pour luy
et pour ces heritiers au venerable et discrete personne prevost et chappitre
de l’egleise collegiale de Belfort la cense ou rente annuelle et
perpetuelle de iiii solz estevenans, randre et paier ung chescun an censalement
à une chescune feste de St Michiel archange pour le priz et
somme de iiii deniers balois que ledit Guillaume en ay heu et receu desdits
prevost et chappitre etc. et les ait assiz et assigné pour prendre
et lever ung chescun an au jour et terme que dessus, c’est assavoir sur
iiii journal de terre seans en la fin dudit Urserey ou lieu que l’on dit en
la Recourbelle, entre Jehan Regnadey d’une part et ledit Huguenin Regnal
d’autre part, franchement de cens etc. Et pour plus grande surté
avoir, esdiz prevost et chappitre Huguenin filz Jehan Regnal d’Urserey
et Thieric Bellequet de Basvellier se sont mis constituer pleges et
principalz rendeurs, pour leurs et pour leurs heritiers, de faire
à valoir ladicte cense et maintenir l’assignal et faire à valoir
le principal etc. devestant etc. remettant etc. promettant etc. obligeant etc. donney
presens Perrenat filz Jean Bourquin de Banvelerd et Colin Beloit de
Champaigney demorant à Sermamagny, tesmoingz ad ce appelez
et remis (?) le xxviè jour du mois may l’an mil iiii lviii.

Redemit par le compte de messire Jehan Bernard le xxviiiè jours de
decembre l’an mil iiii nonantes et ung et les ait.

Messire Aymé de Banvellard sechaulx de ladite eglise collegiale
de Belfort donne raichet esdiz principalz et plaigez tousiours
au bon us jusque à x ans continuellement ensuivant parmy
rendant le principal et les censes choites et point il en avait
donney comme dessus presens les dessusdits.

(marge) pour Marguerite d’Estueffons ii solz estevenans
pour Vuillemin Bon Vallat ii solz estevenans.