Henry Brulert d'Argiesans vent pour lui et pour ses heritiers à
vénérables et discretes personnes prevost et chappitre de l'esglise
collegiale de Belfort la cense et rente etc. de douze solz de
bon estervenant, rendre et paier à une chascune feste de saint
Michel archange pour le pris et somme de douze deniers de
balois heues etc. et les assigne sur sa part portion de
l'eritaige que lui et Perrenat Jehandel et Perrin filz Othin de
Banvellers ont acquestez de Jehan Colin bourgeois de Belfort,
tant en heritaige que autrement seans et estans en
la fin finaige et territoire dudit Argiesans et au son de
la cloiche de Banvellers ; item encore sur une piece de
terre seant ou ... entre Perrin filz Othin de Banvellers
d'une part et Pre (?) d'Argiesans d'autre part ; item sur
deux faulchées de prel seant ès Grant Faul qu'il v...
avec Perrin Freriat et les heritiers Guill... entre Petit
Jehan d'une part et les heritiers Jehan Droilley de Dourans,
d'autre part, franches etc. Et pour plus grant seureté plaiges
Perrenat Jehandel le jeusne et Perrin filz Othin de
Banvellers, pour faire bon et valoir ledit assignat, pour eulx
et pour leurs heritiers etc. devestant etc. promectant etc. obligeant
etc. donné presens Pelletier d'Exers, Jehan filz M... des
Vectes demourant à Belfort, le xv jour de janvier l'an
mil iiiic lvii.

Messire Aymé seschault etc. donne rachat de la vendition
dessusdite auxdits vendeur et à sesdits plaiges tousjours au bon
us par rendant ladite somme et les censes choites d'y à
dix ans, donné comme dessusdit presens les dessusdits.

Pour ma dame Katherine de Bourgogne xii sols estevenants.

Redemit par Jehan Colin le juedy xxè jour du mois de decembre l'an mil vc & xxvi par le compte de M. Phelippe Bruegel.