Jehan & Perrin filz de feu Othenin de Banvellert faisons vendement
pour eulx et pour leurs heritiers à venerables et discretes personnes
prevost et chaippitre de l’esglise collegiale de (Belfort ?) la cense
ou rente annuelle et perpetuelle de huit solz estevenants
de bonne monoye rendre et paier chacun an à une
chascune de feste de saint Michel pour le pris et
somme de huit deniers de bâlois heues etc. et les
assignent sur le prel appellé le Franc Prel seant
en la fin de Banvellers en lieu que l’on dit en Vellene (?)
Prel contre (?) les sieurs d’Exers d’une part et les héritiers Jehan
Bourquin d’autre part, sur le fondz etc. franches etc. ## devestant
# plaigeant pour luy et pour ses heritiers Jaquat filz
Chanterel d’Offemont#
etc. obligeant etc. donné presens Jehan Clerc filz Girardin de
Sermamagny et Verrelin filz Jehan Guillaume le Maich…
bourgeois de Belfort et autres, le xvème jour de janvier l’an mil
iiiic lsept.
--- Reddidit par le compte de messire Aymé
anno domini mil iiiic lxi

Discrete personne messire Aymé de Banvillers p… seschault
etc. baille et donne rachet esdits vendeurs et plaige
de la vendition dessusdite tousjours au bon us parmy rendant
ladite somme dessusdite d’icy à dix ans etc. donné comme
dessusdit présens les dessusdits.

Pour ma dame Katherine de Bourgogne xiii sols estevenants