Cet acte a été dépouillé par l'association LISA (Lecture et Informatisation des Sources Archivistiques du Territoire-de-Belfort)


Type : terrier : gages.
Date : 1415
Cote : B 503
Gages d'officiers (I)
Transcription :

À monsr. de Montagu à present gouverneur & capitaine desdiz
Belfort & de Rosemont.

Et est assavoir que Jehan de Morimont, escuier, avant Henry de
Chauffour qui novellement a esté dechargé du gouvernement
desdiz lieux, estoit chastellain dudit Belfort et, dit
Claux de Rosemont, tresourier pour lors audit lieu pour
ma dite dame, que ledit Jehan prenoit de gaiges par
an 250 livres baulois.

Item prenoit l'affouaige de bois que donnent les habitans
des maries de la terre dudit Belfort pour lequel
il levoit d'eulx par an 50 florins.

Item prenoit l'erbe des prez appartenant au chastel, qui
puet valoir par an environ 3 frans.

Item prenoit toutes les gelines deues en la terre
dudit Belfort où il a de present 123 gelines, et puet
valoir la piece 5 engroignes ; pour ce 4 frans 3 gros 3 engroignes.

Item prenoit et levoit toutes les emendes des bois
& auxi les petites emendes qui se faisient en
la dite terre de Belfort deff... le bourc.

Item avoit & prenoit le droit de la riviere de Danjustin
qui est bannal et l'admodioit à son proffit et en
avoit chacune sepmaine ung service de poisson, et oultre
en caresme chacune sepmaine 2 services & chacune vigile
& quartemps de l'an 1 service ; pour ce 81 services pour 1 an ;
et puet valoir chacun service l'un pour l'autre, par la relacion
d'aucun pescheur, 1 gros viez & demi ; pour ce : 10 frans 1 gros demi

Item avoit acoustumé ledit chastellain de pranre & avoir
toutes fois que l'en peschoit l'estang de Belfort
chacun jour de caresme 4 carpes.

Parmi lesquelx gaiges & droiz ledit chastellain gardoit ledit
chastel à ses despens.

Individus relevés :
Monsr. de MONTAGU
châtelain de Belfort et Rosemont
Jean de MORIMONT
écuyer, ancien châtelain
Henry DE CHAUFFOUR
ancien châtelain-gouverneur de Belfort
Claus DE ROSEMONT
résidence : Belfort
trésorier
Cet enregistrement a été modifié le 07/11/20.
© Lisa90 2001-2024
est référencé dans