Les dismes de la ville, finaige et territoire de Roigegote
pour la dite saison on esté admodiées à Jehannot filz
le Macon 4 bichos par moitié soigle & avene ;
pour ce (...) :: 2 bichos soigle, 2 bichos avene.
Item, pour le droit dudit chastellain :: 6 quartes
Et 4 livres cire.
Les dismes de la ville, finaige et territoire de Gromaigni
pour la dite saison on esté admodiées à Henry filz
Jehan Berbier 2 bichos par moitié soigle & avene ;
pour ce (...) :: 1 bichos soigle, 1 bichos avene.
Item, pour le droit dudit chastellain :: 6 quartes soigle
Et 2 livres cire.
Jehan Conduit de Roigegote doit chacun an audit terme
de saint Martin d'iver 3 escuelles & tailleux de bois
qui doit paier & rendre au chastel de Rosemont,
et pour ce, doit estre frans, comme l'ont rappourté
Jehan de Couleur, chastellain dudit Rosemont et le
maire dudit lieu de Roigegote, et puent valoir
environ 20 sols baulois.
La ville de Felennasser (1) en la dite marie qui estoit à ma
dite dame, de la condition et manière que les autres cy
dessus, est à present inhabitable et n'y demoure aucune
personne, toutevoye jà pieça les gens du signeur
laisserent les heritaiges & tout le territoire d'icelle à plusieurs
personnes pour les tenir & posseder tant qu'il plaira au
seigneur, les parts escriptes cy après folio 90, montans à 50
quartes d'avene mesure de Belfort qu'ilz doivent paier
& rendre comme dessus ; pour ce :: 50 quartes avene mesure de Belfort.
(1) toponyme orthographié Fecelenonxert au folio 90