Les habitans de la dite marie de Perouse où sont les villes
que s'ensuiguent c'est assavoir Perouse, Bessoncourt,
Darney, Voiterainne & Offemont et sont hommes dudit
Belfort de toutes justices haulte, moyenne
& basse, taillables à volonté deux fois l'an en
caresme & en
vain, doivent toutes courvées & charrois,
l'ost & la chevauchié & pourtent lettres toutes fois que
l'en leur commende, et en oultre sont, c'est assavoir
ceulx demourant & residens audit Offemont de morte
main, et les autres demourant & residens aux autres
villes non, mais sont de la condicion de ceulx
de Ferrete, et doivent chacun tenant feu au terme de
caresme prenent une geline, et ont acoustumé
de paier de taille par an 64 livres baulois qu'ilz
paient par moitié en micaresme & en vain, et
desquelles pour le terme de vain 1415 les
parties sont escriptes cy après commenceant folio 59, baillées
par Jehan Bon Garçon maire dudit lieu ; pour ce 64 livres baloises.
Lesdiz habitans qui doivent au terme de caresme
prenant chacun tenant feu une geline son 48,
et sont les parties escriptes avec les parties des tailles ;
pour ce :: 48 gélines.