Hugues le Caboillet de Nuefmex en la marie dudit
Chastenay doit chacun an audit terme pour franchise
qu'il dit avoir 2 livres cire & 2 gelines au terme de
Noël.

Guiote femme Perrin Fanfelue de Chastenay doit de
rente chacun an audit terme de saint Martin d'iver
1 livre cire sur ung mex & les appartenances sceant
audit Chastenay appellé le mex Chaignelot, lequel
tient à present Jehan Garnier dudit lieu :: 1 livre cire.

La terre au mercier dudit Chastenay où il a 1 chasaul
et de la terre à la So...son d'une quarte chenevet
et aussi y appartiennent environ 16 journaux de terre arable
qui doivent 4 livres cire de rente chacun an audit terme,
ledit heritaige vaque et ne treuve l'on qu'il le
vuille admodier ; pour ce :: neant.

En la dite marie de Chastenay sont plusieurs mex
vaiquans qui sont & appartiennent à ma dite dame, tant
pour deffault de desservent comme pour ce que les desservants
qui y ont esté ou temps passé qui les tienoient les
ont chargés de rentes, de quoy l'en ne treuve qui
aucune chouse en vuille donner, et sont taillables à
ma dite dame comme l'a dit & rappourté le maire dudit lieu
au proffit de la dite dame.