Les habitans de Dannemarie et de Retievellier (1) en la chastellerie
de Tannes doivent à Belfort chacun an à la saint Martin d'Iver
4 testes de caboux bonnes & soffisamment leaux et marchands
qu'il doivent rendre & paier ou chastel dudit Belfort à leur
mission, desquelles l'on a coustume de faire oudit
chastel de la composte, esquelles maries les signeurs
dudit Belfort ont la haulte justice, et n'a pas long
temps que ung gaige de bataille fuit fait èsdiz
lieux devers les officiers dudit Belfort, lesquelx
ramenerent le desconfit (2), et firent faire l'execucion.

Ma dite dame a audit Belfort ung estang qui fuit
peschié en la caresme darreniere passée 1414,
lequel alleviné d'allevin de carpes, et se empoissonne
de lui mesmes, pour ce qu'il y a une fontaiane en
maniere d'abismes qui tous temps est peuplée de
poisson, et ne la puet l'on peschier à net, et si
plait l'on le puet peschier chacun an une fois, et y
tienne l'on à chacune fois grant quantité de poisson, et
pour ce lesdits commissaires & le receveur de Faucoigni avoient
vendu la pesche dudit estang pour la caresme 1415
le pris de 200 florins, et demouroit tout
l'arlevin au proffit de ma dame, lequel marchié,
par ordonnance de monseigneur de Bourgogne, ne s'est point tenu
car mondit seigneur a mandé èsdits commissaires & receveur, et aussi
leur deffent par ses lettres qu'il ne le plait point que
ledit estang soit peschié, & pour ce d'icelle marchandise :: neant.

(par 2 vue suivante) Madite dame a audit Belfort 1 autre estang que l'on
appelle l'estang de Ropes, lequel est en ruyne
& la chaucie rompue, combien qu'il y a de l'eau et
pensent les gens du pais qu'il y a du poisson mas
poul pour ce que ledit estang est bien petit et senz
puet aller le poisson quant il le plait.

(1) Retievellier : 68210 Retzwiller
(2) usuellement, desconfit a le sens de déconfiture, déroute, mais ici il semble signifier ... confiture (?)