Cet acte a été dépouillé par l'association LISA (Lecture et Informatisation des Sources Archivistiques du Territoire-de-Belfort)


Type : terrier.
Date : 1415
Cote : B 503
Compte rendu par le Lombard, lieutenant du gouverneur : recettes d’argent de l’Assise
Transcription :
C'est l'estat de receptes & missions qui ont esté faites
par ung nommé le Lombart, leutenant de Henry de Chaufourt
gourverneur et cappitaine de la terre de Beaulfort & de Rosemont
pour & en nom dudit Henry son maistre, depuis la feste
de saint Jehan Baptiste mil 4c 15 que ledit Henry
eust le gouvernement desdites terres pour & en nom de ma
dite dame la duchesse d'Austeriche jusques à la feste de
la Nativité nostre seigneur, desquelles receptes & missions
ledit Henry avoit baillié l'estat à maistre Jehan
Sardon, clerc licencié en loys & à Symon Panez chastellain
de Braisey qui avoient esté envoiez en la dite terre par
mons. le duc de Bourgogne pour veoir & savoir l'estat
des revenus d'icelles ; et pour ce qu'ilz ont trouvé
lesdites receptes avoit esté faites autrement & en plus
grant valeur & que icelles n'estoient pas souffissament
déclairées oudit estat, comme appert par icelli, le quel
est ataiché cy après, ont reffait en absence dudit
Henry, lequel se departit, & aussy sondit lieutenant,
d'eulx tantost & incontinent qu'ilz leur ont baillié icel...
ce present estat en la forme qui s'ensuit.

Recepte d'argent de la terre de l'Assise

Des tailles de la mairie de Chievremont en la
dite terre de l'Assise, la quelle est du ressort & bat...
de Dele, et sont les habitans retournez à l'obeissance de
madite dame devers ses officiers audit Beaulfort depuis
que ledit Henry en eust le gouvernement pour le terme de
vain mil 4c 15, et appert par ledit estat :: 15 livres 13 sols 4 deniers balois

Individus relevés :
#1 : le Lombard
lieutenant de #2
#2 : Henry DE CHAUFOUR
gouverneur et capitaine de la terre de Belfort et de Rosemont
Cet enregistrement a été modifié le 27/09/20.
© Lisa90 2001-2024
est référencé dans