Parties des toises des maisons & chasaulx de la ville
de Belfort & contient chescune toise 10 piés, et doit la
toise 20 deniers estevenants, ainsint vault chescun pié 2 deniers estevenants
et se mesurent lesdits maisons & chasaulx de frond
tout à long de la rue, lesquelles parties messire Hugue
Briot, prebstre, receveur dudit Belfort a bailliés ausdiz commissaires
& aussy à ycelles affermées estre veritables en la manière
qu'elles sont cy après escriptes, et semblement les ont affermées
Claus, tresorier audit lieu de ma dite dame, le prevost dudit
Belfort & Jehan Le Marchant, jadis receveur dudit
lieu, et n'ont peu savoir lesdits commissaires le nombre
des toises ou des piés, et aussy n'ont peu mesurer
lesdites maisons & chasaulx, pour ce qu'ilz n'ont
point sceu à quel toise ne à quel pié les
devoit mesurer ycelles, et lesquelles toises & piés sont
declairiés
plusapplain ès framchises de la dite ville, lesquelles
les bourgois ont refusé à mostrer ausdiz commissaires, comme
declairié est cy devant en l'article qui parle desdites toises
et toutesvoyes que y semble ausdits commissaires avant ce que
l'on puisse faire desdites toises & piés compte certain ne
faire mesurement desdites maisons & chasaulx. Il
est neccessité de les veoir.
La maison Mourcelot que tient à present
Jehan Boujon :: 18 d.
Le chasaul Champel qui devoit 14 deniers. Il est
en ruyne & vaque longtemps ; a pour ce :: neant