Type : Archive du clergé séculier.
Date : 10 juillet 1483
Transcription :
Nous Richard ROY et Jehan Guillame PEPOL
bourgeois de Belfort faisons scavoir à tous
ceulx qui ces presentes lectres verront et orront
que nous avons congneuz et confessez
et par ces presentes lectres congnoissons et
confessons que, comme la succession et
heritance de feue Marguerite fille de fut
messire Humbert de FRANCFORT jaidis curié
de Bielle (Bienne), que fut femme de fut Jehan TABELLION
de Belfort soit esté adjugée et déclairée
par sentence et par droit en la justice de
Belfort à noble seigneur messire Caspart
seigneur de Morimont et de Belfort et de
Rosemont en gaigiere, chevalier, à cause
de ce que ladite Marguerite n'estoit poinct
de leal maryaige, il, ledict Messire Caspart
de MORIMONT chevalier dessusdit nous ayt quiter,
ceder, remis et renoncer pour à tousioursmais et
perpetuelement, pour luy et les siens, à nous
lesdits Richard ROY et Jehan Guillame PEPOL,
maris de Katherine et de Grede, seurs
de ladite Marguerite, nos femmes, pour nous
et pour nosdites femmes, et pour nos hoirs la
succession et heritance entierement de ladite
feue Marguerite, tant en meubles que (en)
heritaiges, moyennant et parmy ce que nous,
lesdits Richard ROY et Jehan Guillame PEPOL,
tant en nos noms comme pour et en nom de nosdites
femmes, avons promis et de ce sommes obligez, pour
nous et pour noz hoirs, à tousioursmais, de
avoir et maintenir perpetuellement une lampe
ardante nuict et jour devant l'autel
de Sainct Sebastien fondée en l'eglise de
Belfort par fut ledit Jehan TABELLION, à nos
propres fraix, missions et despens, et de
nosdits hoirs, (...)
le dixneufiesme jour du mois
de juillet mil quatre cens octante trois.
Individus relevés :
#1 : Richard ROY résidence : Belfort bourgeois ; cession par le seigneur de Morimont, de l'héritage de son épouse Marguerite à Richard ROY et Jean Guillaume PEPOL |
#2 : Catherine DE FRANCFORT résidence : Belfort conjoint du #1 |
#3 : Jean Guillaume PEPOL résidence : Belfort bourgeois |
#4 : Grede DE FRANCFORT résidence : Belfort conjoint du #3 |
#5 : Marguerite DE FRANCFORT résidence : Belfort défunts ; la femme sœur des deux précédentes ; conjoint de #6 |
#6 : Jean TABELLION résidence : Belfort conjoint du #5 |
#7 : Humbert DE FRANCFORT résidence : Bienne défunt, curé, père naturel |
#8 : Gaspard DE MORIMONT résidence : Belfort seigneur de Belfort ; adjudicataire de la succession de Marguerite DE FRANCFORT, qu’il a cédée aux deux premiers, qui sont assignés perpétuellement à l’entretien d’une lampe à la chapelle Saint-Sébastien |
Couples relevés :