Type : serment.
Date : 24 juin 1472
Cote : BB1
#1 prête serment de ne plus diffamer le Conseil
Transcription :
L'an mil 4c 72 le jour de la nativité saint Jehan Baptiste
jurait Harnement Coley, bourgeois de Belfort, aux sainctes evangiles de
dieu touchant, que à l'occasion de ce qu'il estoit estez prins et detenuz
prisonnier ès prisons de la vile pour aucunes malvaises parolles
qu'il avoit dit sus le conseil de ladite ville, et que à la requeste
de noble homme Thiebault d'Angeot, lieutenant à Belfort, yl soit esté
relaichié de ladite prison, et que après ce il ait crier mercy à Jehan
Colin prevost de Belfort, et aussi ès bourgeois de Belfort, icelluy Harnement
a fait le serement comment dessus que jamais mal ne dommaige ne en viendroit
audit Jehan Colin prevost dessusdit ne à ceulx qu'estoyent du conseil
par lors, ne aussi que jamais ne useroit de telles paroles, et parmi ce
serement lesdits prevost et bourgeois luy ont pardonnez. Ce fut fait l'an et
jour que dessus, presens discrete personne messire Bourquard de Francfort,
prebstre chanoine de l'eglise collegial de Belfort, ledit Thiebault d'Angeot,
Pequignat Iehan de Crevenche, maire de Bavilliers, Regnal filz Girard
Loste du Poix et plusieurs aultres tesmoings ad ce appellés & requis
Individus relevés :
#1 : Harnement COLEY résidence : Belfort bourgeois |
#2 : noble homme Thiébault D’ANGEOT résidence : Belfort lieutenant |
#3 : Jean COLIN résidence : Belfort prévôt |
#4 : Bourquart DE FRANCFORT résidence : Belfort chanoine de l’église collégiale ; témoin |
#5 : Péquignat Jehan DE CRAVENCHE résidence : Bavilliers maire |
#6 : Regnal LOSTE fils de #7 |
#7 : Girard LOSTE résidence : Lepuix |