Jehan Ruedol bourgeois de Belfort cognoit et confesse lui
debvoir estre actenuz et efficalment obligier pour lui
et pour ses hoirs à la ville de Belfort la somme et en la somme
de cinquante florins d'or de Rin [du Rhin] de bon or et de juste poix
au fort poix d'Alemaingne, en laquelle desdits cinquante
florins d'or ladite ville de Belfort est obligier ès dames
de Clinguetale, et lesquelx cinquante florins Jehan
Tabellion de Belfort tenoit paravant, lequel les ait
renduz et paier à ladite ville de Belfort, et lesquelx
cinquante florins d'or ledit Jehan Ruedol doit rendre, paier
bailler et delivrer èsdites dames de Clinguetale deans
le jour de Saint Michiel prochainnement venant, ensemble
de la cense qui s'en despendroit, et ensemble cost, costz,
missions, interest et deppans que par faulte de paiement de
ladite somme seroient incouruz ou soubstenuz, et pour ce
en ait obligé tous et singulierement ses biens, meubles et heritaiges
quelconques, presens et advenir qu'il ait en la fin, finaige
et territoire de Belfort, tant en champs, prelz, mex,
maisons, chesalx, cultiz, houches comment en toutes aultres
chouses, sens rien excepter ne retenir, promectant ... ...
Presens honorable homme Thiebault d'Angeot, prevost de Belfort,
Richard Guerard et Monin Jolybois, tous bourgeois de Belfort,
le 24 jour du mois de mars l'an mil 4c et
soixante.