Margueritte (4), femme de Ruedolff Schäffer, de Monstreulx, sur la requisition de Maistre Jocobi (5), maistre des haultes ouvres de Monstreulx, aprés serement presté, at dit et desposé qu’une fois se recontrant (6) a Monstreulx, dans la maison dud. maistre de Monstreulx, l’un (7) peut devant Noel, la ou c’est que le maistre de Faiveret (8) et celuy de Ferette y estoient, et entre aultres paroles se disputoient ; celuy de Faiveret dit que celuy de Ferette pouvoit bien estre jouyeux a Pourrentruy, dans la maison dud. maistre de Pourrentruy, qu’il avoit desja jouys de la femme de celuy de Pourrentruy 4 ans au_paravant que son mary l’heust espousé.

Margueritte avant_dite, dit et despose qu’un peut devant Noel, elle se trouvat chez le maistre des haultes ouevres de Monstreulx, ou que le maistre de Feveret estoitz, s’entreparlant. Celuy de Monstreulx dit a celuy de Faiveret qu’ilz furent bien joyeux a la foire de Pourrentruy chez le maistre d’ilec ; l’hors le maistre de Faiveret dit a celuy de Monstreulx que celuy de Ferrette (9) y pouvoit bien estre joyeeux, qu’il avoit tenus sa femme 4 ou 3 ans avant qu’ilz fussent esposé (11), et que a une aultre foy et un aultre banquet, il avoit veus dancer led. maistre de Pourrentruy et son frere aud. Pourrentruy, dans la maison dud. maistre, aveec une teste de mort sur leurs testes et un goubelet de vin en la main.

De-plus dit que le maistre de Pourrentruy at dit dans la maison de celuy de Monstreulx, en tenant son enfans sur les fonds, que celuy de Faiveralt luy avoit dit en venant icy a Monstreulx, qu’il alloit tenir un enfans de putaine et beaucoup de prestr[es] et de paysans avoient aydé a faire ; et que peut estre [qu’]il fauldrat qu’il le nourrit.

(1) Ou l’Abuebe, comme indiqué dans d’autres textes.
(2) Actuellement Valdieu-Lutran, Haut-Rhin.
(3) « Adam Darcel » dans d’autres actes.
(4) Déjà citée le 26 avril 1656 (AD90-19 B 9) : « La vefve Hanß Georg Schäffer, de Monstreulx, actrice, contre la femme Ruedolff Schäffer, pour fait d’injure ; n’est comparue pour la premiere. » et encore le 26 décembre 1656 : « (...) vit bien la femme dudit Ruedolff Schäffer qu’avoit un baston a la main, que battoit le guerçon et filz de ladite vefve, qui crioit tant qu’il avoit de voys (...) ». Enfin, le 16 janvier 1657 : « La vefve feu le marechal de Monstreulx, actrice, contre la femme Ruedolff Schäffer dudit lieu, deffenderesse, pour avoir battu l’enfant de ladite marechaulde (...) ». Il semble que ce soient la belle-fille et la belle-mère suivant un jugement du 19 janvier 1657.
(5) Serait-ce plutôt Jacobi ?
(6) rencontrant
(7) La lettre « l », non barrée, est-elle voulue ainsi ?
(8) = Faverois.
(9) « que celuy de Ferrette » est écrit en marge et remplace « qu’il », barré dans le texte.
(11) épousés.