Le sr. Noblat mre bourgeois et secretaire fait
relation de la diette d'Enguesey, et est
la conclusion que les 3 estats consantent
d'entretenir avec la chambre encore ung
an durant et, pour eviter et retrancher
missions, qu'on licentieroit le Capitaine et
aultres offices, et la charge seroit baillée à
ung Gouverneur ou Burgvogt de Breisach
auquel on bailleroit oultre ses gages 53 Reichtaller
par mois, secondement que chascung ferat
quelque provision de graines pour ses
inferieurs en cas de neccessitez.
L'estat particulier des villes deça le Rhin at conclud que
pour pouvoir payer et satisfaire aulx
censes qu'il doibt qu'on doubleroit la rainson
de la St Hilaire en commençant
la prochaine, trois ou quatre ans, iusques
on verra si on pourroit treuver
quelque aultres remedes.