Claux de Rosemont, tresourier de ma dite dame èsdites
terres de Belfort & de Rosemont prenoit de gaiges de
ma dite dame, comme il dit, à cause de la recepte
dudit Rosemont dont il avoit la charge 20 florins
par an & 3 bichos frement mesure de Belfort.

Messire Hugue Briot, prebstre, receveur dudit
Belfort, après ce que lesdits commis furent venuz audit
Belfort se departu senz avoir apointement avec eulx
& pour ce ne scavent quelx gaiges il avoit.

Jacquot Roussel, prevost dudit Belfort, qui a en
gouvernement la prevosté dudit lieu pour ma dite
dame, dit qu'il ne prent nulx gaiges de son
office, mas y prant droit ès emandes de ladite
prevosté, c'est assavoir que toutes basses emendes sont siens
& n'y a riens ma dite dame, & sont lesdites emendes
de 7 sols baulois, èsquelx ledit prevost a 4 sols & li prant
qui a droit 3 sols, comme plusaplain est déclairé cy
devant en l'article des emendes de Belfort.