Le capitaine de Rosemont qui estoit audit lieu avant
que ledit Henry de Chauffour eust le gouvernement de
la dite terre prenoit en argent 40 florins.

Item 3 bichos demi frement et 3 bichos demi avene
qui puent valoir par communes ... le bichot
frement 2 frans demi et le bichot d'avene 15 gros ; pour
ce : 13 frans 1 gros demi.

Item avoit & prenoit 150 gelines, la geline au pris
de 5 engroignes ; vaillent 5 frans 2 gros demi.

Item prenoit chacun an le foin d'environ 12 fauchées de prey
qui puent valoir par an 2 frans.

Item prenoit & avoit toutes les petites amendes des
maries de Chaulx, Vissemont, Roigegote & les
Vaites.

Item prenoit & avoit ledit chastellain sur les dismes
deuz à ma dite dame en la terre dudit Rosemont
sur chacun dismes 6 quartes soigle et a en ladite
terre 11 dismes, qui vaillent 66 quartes & puet valoir
la quarte par commun ... 10 engroignes ; pour ce : 4 frans 7 gros.

Item prenoit & avoit la pescherie de la riviere d'Estueffons,
laquelle il admodiait chacun an à un pescheur qui
en donnoit chacun an audit chastellain chacune sepmaine 1
service de poisson, & en caresme chacune sepmaine 2 ;
pour ce, 59 services, qui puet valoir chacun service
1 gros demi ; vaillent 7 frans 4 gros demi.

Lequel office de chastellain Jehan de Couleur, escuier,
tient & en a lettres de Monsr. de Bourgogne qui par
icelles le fait & ordonne chastellain dudit chastel,
aux gaiges de 40 livres baulois.

Oudit chastel de Rosemont a 4 gaites qui gaitent
& gardent ledit chastel jour & nuyt ès frais
& missions de ma dite dame, et ont chacun par an 52
sols baulois ; pour ce 10 livres 8 sols baulois, et vault chacune
livre 10 gros viez, vault 8 frans 8 gros viez.

Item ont lesdits gaites chacun une robe ou pris
chacune de 10 gros viez ; pour ce 3 frans 4 gros.

Item ont chacun 2 paires de chausses & 2 paires de souliers,
chacune paire de chausses au pris de 2 gros demi & chacune
paire de souliers 1 gros demi ; pour ce : 2 frans 1 gros (1).

Item ont chacune sepmaine chacun d'eulx une quarte de gros
frement ; pour ce 208 quartes frement, & puet valoir
le quarte, par comm... pris 1 gros viez ; pour ce : 17 frans 4 gros.

Item ont lesdits gaites sur les hommes de madite
dame, de touz ceulx qui font gaignaiges, chacun
an une gerbe, & puet valoir par an environ 30
quartes gros frement, la quarte au pris de 1 gros, vaillant 2 frans demi.

(1) erreur : le résultat mentionné est de 25 gros, alors que le calcul donne 32 gros, soit 2 francs 8 gros.