Lesdiz habitans paiens de la dite taille sont 37,
et doivent par an chacun tenant feu, ou qui paie de taille
plus de 12 deniers baulois au terme de caresmentrant une
geline, et sont de present qui ne tiennent
point de feu, ou qui ne paient que 12 deniers
par terme, comme appert par les parties dont fait mencion
l'article precedent, 2 ; demore 35, dont chacun doit
une geline, comme dit est ; pour ce :: 35 gelines.
Lesdiz habitans doivent, qui se lieve sur eulx au proffit des
gaites qui gaitent ou chastel de Rosemont, chacun
an, chacun une germe de blef, c'est assavoir ceulx qui font
gaignaige.
Les exploiz de justice de la dite marie, les emendes
y sont l'une de 7 sols & l'autre de 72 sols, tout
par la forme & maniere que devisé est cy devant
ou chapitre de Chaulx.
Les dismes d'Argesan, de Urserey & de Banvillers,
ilz sont deuz à plusieurs eglises et n'y prant
riens ma dite dame ; et pour ce :: neant
(1) dues par les habitants de la châtellenie de Rosemont