Les habitans de la dite marie, hommes de ma dite dame demourent
ès villes qui s'ensuiguent, c'est assavoir Veselay & Meroue,
doivent par an pour leurs porcions desdites 400 livres balois (1)
et en font la taille sur eulx, le fort pourtant le
foible, et d'icelle taille pour l'an feni le darrenier jour
de decembre 1415 sont les parties escriptes en la
fin de ce registre, commenceant folio 70, lesquelles sont estés
baillées èsdits commissaires par Richert Bertin maire dudit lieu
:: 90 livres baulois.

Les habitans paiens de la dite taille sont 85,
& doivent par an chacun tenant feu, ou qui paie de
taille plus de 12 deniers baulois par terme à chacun desdits
termes une geline, et sont de present qui ne tiennent
point de feu ou qui ne paient que 12 deniers par terme,
comme appert par les parties dont fait mencion l'article
precedent 10, doivent 75, dont chacun doit à chacun terme
une geline, comme dit est ; pour ce :: 75 gelines.

Lesdiz habitans doivent, qui se lieve sur eulx au proffit
des gaites qui gaitent le chastel de Rosemont,
chacun an, chacun feu, une gerbe de blef, c'est (assavoir) ceulx qui font
gaignaige.

(1) dues par les habitants de la châtellenie de Rosemont