Les habitans de la dite marie d'Estueffons, hommes de la dite
dame demourent ès villes qui s'ensuiguent, c'est assavoir Tueffons,
le Petit Maigni & Angetel, doivent pour leur porcion
desdites 400 livres baulois de taille (1) par an et en font la
taille sur eulx, le fort pourtant le feble, 53 livres
baulois qui se paient à 2 termes par moitié, c'est assavoir
en mars & en septembre, et à chacun terme chacun
tenant feu & paient (2) de la dite taille une geline, excepté
ceulx qui ne paient à chacun terme plus de 12 deniers,
et d'icelles tailles, pour l'an feni le darrenier jour de decembre
1415, sont les parts escriptes en la fin de ce registre, commenceant
folio 69, lesquelles ont esté baillées èsdits commissaires
par Jehan Caresme, maire dudit lieu, et en ont paié :: 53 livres baulois.

Lesdiz habitans paiens de la dite taille sont 55 feux
et doivent par an chacun terme tenant feu ou qui paie de taille
à chacun terme plus de 12 deniers à chacun terme une geline
et sont de present qui ne tiennent point de feu et
qui ne paient que 12 deniers à chacun terme, comme appert
par les parts dont fait mencion l'article precedent, 7 ;
demore 58 (3), dont chacun doit à chacun terme une geline,
comme dit est ; pour ce :: 96 gelines.

Lesdiz habitans doivent pour leur porcion de la taille
des chiens, laquelle ilz getent & font sur eulx, le
fort portant le feble :: 16 sols 8 deniers baulois.

Plusieurs desdiz habitans doivent chacun an à ma dite dame,
qui se paient au terme de saint Martin d'iver 35 (4)
quarris, mesure de Moisonval, et font les 7 un bichot,
mesure de Belfort, desquelx 25 quarris l'on ne paie
de present que 21 quarris, pour les causes & comme il est
contenu ès parts cy après escriptes, commenceant folio 91, et les doivent
ou grenier de ma dite dame, où il li plait, pour ce, avene
mesure de Moisonval 21 quarris qui font, mesure de
Belfort, comptant 7 quarris pour 1 bichot :: 3 bichos avene mesure dudit Belfort.

Lesdiz habitans doivent chacun an à ma dite dame, qui se
liève sur eulx au proffit des gaites qui gaitent
ou chastel de Rosemont chacun an chacun feu une gerbe
de blef, c'est assavoir ceulx qui font gaignaige.

(1) dues par les habitants de la châtellenie de Rosemont
(2) payant
(3) coquille : 48
(4) coquille : 25