Les habitans de la dite marie de Vaites (1), hommes de ma dite dame,
demourans ès villes qui s'ensuiguent c'est assavoir Vaites, le
Vadoe et les Loyes doivent pour leur porcion desdites
400 livres de taille (2) 44 livres bauloises par an, et en font
la taille sur eulx, le fort portant le feble, et d'icelles
tailles, pour l'an feni le darrenier jour de decembre mil
415 sont les parts escriptes en la fin de ce registre, commenceant
folio 68, lesquelles sont esté baillées èsdiz commissaires
par Jehan le Clerc, maire dudit lieu ; pour ce :: 44 livres bauloises.

Lesdiz habitans paiens (3) de la dite taille sont 50, et
doivent par an chacun tenant feu ou qui paie de taille
plus de 12 deniers au terme de caresmentrant une geline,
et sont de present qui ne tiennent point de feu ou qui
ne paient que 12 deniers par terme, comme appert par les
parts dont fait mencion l'article precedant, 2 ; demoure
48 dont chacun doit une geline, comme dit est ; pour ce :: 48 gelines.

Lesdiz habitans doivent pour leur porcion de la taille &
giste des chiens, laquelle ilz getent & font sur eulx
& pourte le fort le faible :: 6 sols baulois.

Plusieurs desdiz habitans doivent chacun an de rente à ma
dite dame, qui se paient au terme de saint Martin d'iver
3 bichos avene, mesure de Belfort, et les doivent rendre
ou grenier de ma dite dame, où il li plait, et en oultre
doivent pour chacun bichot 2 gros de florin & 4 gelines,
pour ce (...) 3 bichos avene mesure de Belfort,
6 gros de florins, et à caresmentrant 4 gelines.

Jehan des Loyes & Jehan Chopart doivent sur leur heritaige
dudit lieu des Loies au terme de saint Martin d'iver :: 6 quartes avene, dite mesure.

Marteney des Loies, Jehan filz Girardot, Perreton femme le
Roussaul des Loies doivent sur leur heritaige qu'ilz ont
audit lieu, paié audit terme :: 4 quartes avene, dite mesure.

(1) Évette
(2) dues par les habitants de la châtellenie de Rosemont
(3) payants (p. présent pris comme adjectif), redevables