Villehere et Perrot filz Jaquote doivent chacun an pour
une see qu'ilz tiennent sur la riviere de Vissemont 2
douzaines de laons de sapin, lesquelx ilz doivent paier
& rendre au terme de saint Martin d'iver, et parmi ce
puent & doivent penre sapins pour faire laons ès
bois des montaignes que ma dite dame a en ladite
chastellerie de Rosemont ; pour ce :: 2 douzaines de laons de sapin.

Moingnon Jehan Colin & Henry Perreney doivent chacun an
au terme de saint Martin d'iver, pour une see qu'ilz tiennent
sur ladite riviere, et puent penre bois comme cy dessus
est devisé :: une douzaine demie de laons de sapin.

Gros Jehan & Jehan Moingnot dudit Vissemont doivent chacun
an audit terme de saint martin d'iver pour une see qu'ilz
tiennent sur la dite riviere & puent penre bois comme dessus :: une douzaine de laons de sapin.

Girart Biner doit chacun an audit terme de saint Martin
d'iver pour une see qu'il tient sur la riviere du Puis
et puent penre bois comme dessus :: 3 douzaines de laons de sapin.

Richart Chauvot doit chacun an audit terme de saint Martin
d'iver pour une see qu'il tient sur la dite riviere
et puent penre bois comme dessus :: 3 douzaines de laons de sapin.

Jehan Plançon & Girart son filz doivent chacun an audit
terme, pour une see qu'ilz tiennent sur ladite riviere
et puent penre bois comme dessus :: une douzaine de laons de sapin.

Et est assavoir que il souloit avoir sur la dite riviere
plusieurs autres sees qui paient chacun an rente de
laons, pour icelles lesquelles sont cheutes
& demorent en ruyne, et sont ceulx qui les tienoient
demorés quictes de la rente, car toute fois que une
desdites sees vient ou chiet en ruyne, celli qui
la tenoit demore quicte la dite rente, auxi les hommes
de ma dite dame de la dite marie puent faire sees
sur lesdites rivieres, s'il leur plait, mas ilz ne puent
penre bois ès bois de ma dite dame senz licence d'elle
ou de ses gens, et ce, cellui qui auroit see en y
vouloit point prandre il l'admodieroit de ma dite dame
ou de ses gens à laons, comme des sees cy-dessus.