Jehan Courvoisier, maistre Henry, Jehan le Bichet,
Huguenot filz Outhenot, Henry Ruedoye, Regnault
filz Jocerain, Jehan Bertin, Perrin Belorse, tous d'Adelenans,
Huguenot le Darsu, Symonnot Mahy, Bietry sa suer,
tous de Danjustin, doivent chacun an au terme de Saint
Martin d'iver à cause d'une piece de terre appellée le Bieule
qu'ilz tiennent :: 8 livres cire.

Messire Guillaume, filz de feu Jehan de Vesoul, demourant à Belfort
& Perreton sa tante, fille de feu le clerc de Danjustin
doivent chacun an au terme de Saint Martin d'iver sur
leur mex assis audit Danjustin, appellé le mex le clerc
& pour ce sont frans comme l'ont rappourté aucuns des
officiers de ma dite dame :: 4 livres cire.

Henriote fille de feu Huguenin Roillehault de Danjoutin et
Jehannete sa suer doivent chacun an audit terme de saint
Martin d'iver à cause du mex Roillehault qu'elles
tiennent & pour ce sont frans de taille, comme dit le maire
de la dite marie :: 4 livres cire.

Plusieurs habitans de la dite ville de Danjustin doivent chacun an
audit terme de saint Martin d'iver de rente 14 quartes avenne
qui se mesurent à la quarte de blef, c'est assavoir à rez et font les
3 quartes dite mesure de Belfort à quoy l'on mesure avene
audit lieu 2 quartes, et sont les menues parties escriptes
cy après folio 83 ; pour ce, mesure de Belfort :: 9 quartes 1 tiers.

Les bois appelez les bois de Froidevaul qui est haulte
fourest pourtant glan & fene quant la saison là, et se
vendent au proffit de ma dite dame et pourtent emende
au proffit de la dite dame de 72 sols dont les 12 sols sont pour les
fourestiers sur les hommes & subgez de ma dite dame
et sur les estrangers, chevaux & harnoit acquis.

Le maistre de Froidevaux, hospitellier de saint Anthoine,
pour garder en quoy il est, doit chacun an à ma dite dame
à cause de son chastel de Dele paier à la saint Martin d'iver :: 4 livres cire.