Lesdiz habitans qui sont taillaubles comme dessus ont paié
de la taille desdites 100 livres bauloises pour le terme de septembre
1415, c'est assavoir desdites
villes de Chievremont, Fontenelle, Petit Crot & Bessoncourt,
lesquelles ont acoustumé de paier par an la tierce part desdites
100 livres pour ce, pour ledit terme de septembre 1415, 16 livres
13 sols 4 deniers baulois (1), et lesdiz habitans desdites villes de Danjustin,
Adelenan, Lempe, Monvaul, Severnan, Tretoudan & Dorans,
lesquelles avoient acoustumé de paier les autres 2 tiers desdites
100 livres bauloises, qui vaillent 33 livres 6 sols 8 deniers, dont y
chiet (2) que les habitans desdites villes de Tretoudan & Doran
avoient acoustumé de paier desdits 2 tiers, pour ledit terme de
septembre, 15 livres. Demore, d'iceulx 2 tiers, 18 livres 6 sols 8 deniers ;
ainsint paient pour ledit terme de septembre pour la moitié
desdites 100 livres, et sont les parties escriptes cy après, commenceant folio 74 :: 35 livres baloises.

Et ainsint paieront pour lesdiz termes ou temps advenus
jusques lesdites villes de Tretoudan & Doran soient
remis en la main & obeissance de ma dite dame.

Lesdiz habitans de Chievremont, Fontenelle, Petit Crot et
Bessoncourt qui doivent le tiers desdites 100 livres sont
65 personnes, et doit chacun tenant feu une geline comme dessus est dit,
excepté ceulx qui ne paient que 12 deniers de taille pour ung
paiement, & pour 8 qui ne paient à chacun terme que 12 deniers,
comme appert par les parties desdites tailles, ainsint restent
57 personnes qui baillent :: 57 gelines.

(1) ce qui représente 4000 deniers, soit le sixième des 24000 que font les 100 livres
(2) il chiet : il choit, il s'en déduit.