Les habitans de la dite marie sont hommes de ma dite dame
à cause de sa chastellerie de Florimont, mas pour ce que
ledit Florimont a esté obeissant au Roy d'Alemaigne,
lesdiz habitans sont venuz & retournez devans les officiers
de ma dite dame à Belfort, & leur ont faite et rendue
obeissance depuis la feste de saint Jehan Baptiste darrenier
passé 1415, et demourent ès villes qui s'ensuiguent,
c'est assavoir Grone, Recouvrance, Boron, Villescoup, Nevanviller
& Brebote, et sont environ 20 mesnaiges, qui sont à ma
dite dame en justice moienne et basse, et la haulte
est au signeur de Monjoie, et doivent à ma dite dame
toutes courvées, l'ost & la chevauchée & touz commendemens,
et sont taillables à volonté, et ont acoustumé de
paier de taille par an 18 livres bauloises par moitié
en caresme & en
vain, et à
caresmentrant chacun tenant
feu une geline, et aussi à chacun desdiz termes de micaresme
& de vain doivent, en oultre leurdites tailles, 20 sols balois,
lesquelx ilz avoient acoustumé de bailler au chastellain
de Florimont, et ne sont point de morte main ; pour
ce, pour leur dites tailles d'un an entier :: 18 livres baulois.
Et pour le droit que ledit chastellain de Florimont
prenoit desdiz hommes qui est pour chacun desdiz termes
20 sols baulois, pour ce, pour lesdiz 2 termes :: 40 sols baulois.
Et sont 21 dont ilz sont 16 tenant feu & 5 qui
n'en tiennent point, & pour les parties escriptes cy après
commenceant folio 74, pour ce :: 16 gelines.
Aucun individu relevé.