Les habitans de la dite marie doivent avec les
autres habitans des maries de la terre de Belfort
le bois pour affouer & chauffer le signeur ou
chastel dudit Belfort ou son capitaine demourant en
icelli, et en ont paié pour l'an passé feni
1415 touz ensemble 50 livres baulois.
Plusieurs habitans demourant en la ville d'Offemont
en la dite marie de Perouse doivent chacun an de
rente à la saint Martin d'iver et sont les parties escriptes
cy après, commenceant folio 80, 2 bichots 19 quartes demie avene
mesure de Belfort ; pour ce :: (id)
En la ville de Vaulx en la dite marie de Perouse
laquelle de present est inhabitable et n'y demore
aucune personne sont deus chacun an de rente au
terme de saint Martin d'iver 2 bichos 20 quartes
avene mesure dudit Belfort sur certains et plusieurs
herietaiges assis en icelle ville, finaige & territoire,
lesquelles tiennent & possèdent plusieurs personnes demorant
ès villes d'environ & dont parties sont escriptes cy
après, commenceant folio 81 ; pour ce :: 2 bichos 20 quartes avene mesure que dessus.