Perrin Guilot dudit Belfort doit, par sa confession faite par devant
lesdiz commissaires, chacun an de rente paié au terme de Saint
Martin d'iver 6 quartes avene, mesure de Belfort, sur
tout son heritaige qu'il tient & a ou finaige dudit lieu
et y tient tant en prez comme en terres arables
environ 8 tant journées de terre comme fauchées de prey ; pour ce :: 6 quartes avene, mesure de Belfort.

Sebile femme Symonin Mirey, Jehan Grilon et Richart Milotey courvoisier
doivent par leurs confessions chacun an de rente, chacun d'eulx, 2 quartes avene
mesure de Belfort, paier audit terme de Saint-Martin d'iver,
assignées sur une piece tant en terre comme en prez
contenant environ 8 journées appelée les chaintres, assises
ou finaige dudit lieu sur l'estang entre la terre Jehan
de Morimont d'une part, et chaintroyé sur ledit estang
d'autre part ; pour ce :: 6 quartes, mesure que dessus.

Jehan Pelletier de Belfort & Jehan filz au Gentil de
Perouse doivent par leurs confessions chacun d'eulx, chacun
an de rente 2 quartes avene, mesure de Belfort, audit
terme, sur la moitié de plusieurs pieces de terre que
furent à feu Alips de la Moute, portant à Perreney
du Bourc dudit Belfort, assise ou finaige dudit
lieu, darriere le chastel, et contenant environ 20 journées
de terre arable ; pour ce :: 4 quartes avene mesure que dessus.

Ledit Perreney Dubourc doit par sa confession chacun an de
rente audit terme 4 quartes avene, mesure que dessus,
sur l'autre moitié nommée & déclairée en l'article precedent,
portant auxdiz Jehan Pelletier & Jehan filz au Gentil
pour ce :: 4 quartes avene mesure que dessus.