Des rentes & revenus de la terre dudit
Belfort 77 livres 16 sols balois, lesquelles ledit
Henry fit recevoir desdites rentes de Belfort par ledit
Lombart son lieutenant qui estoient à la charge dudit
messire Hugue Briot, receveur dudit lieu, lequel par
lors estoit en prinson en Alemaigne pour le fait de ma
dite dame, desquelles ledit Henry dit que d'icelles fut
acheté lars & chars de buefz salée & aussi paiez certains
despens que 7 prisonniers avoient fais en Alemaigne
qui avoient esté prins pour le fait de ma dite dame
devant son chastel de Tannes quant le siege y estoit,
et en a ledit receveur les lettres dudit Henry qu'il a mostrées
ausdits commissaires mais il n'a aucune piece ne verificacion
pour ce :: 77 livres 16 sols balois
Du laffouaige deu au chastel dudit Belfort par
les habitans demeurant en la terre, excepté du bourg qui n'en
doit riens, dont ilz ont acoustumé de paier 50 livres
baulois, receu pour ce pour demi an que ledit Henry a eu
le gouvernement :: 25 livres balois
De Henry le Tixerand de Vissemont et de Regnault Cunin son nepveu
qui donnent 186 l. de fromaiges et vaut la livre 4 engroingnes, pour ce : 5 florins 2 gros (1)
De l'erbe des prés que ma dite dame a audit Belfort,
laquelle ledit Lombart a recullie & puet valoir par
la relacon de plusieurs :: 2 florins
De Jacquot Lolier pour 1 amende :: 8 florins
Du Grant Perrin, en oultre, et par dessus les amendes
rappourtées ci-dessus :: 2 florins
De Jehan de Mombis, en oultre, et par dessus les autres
amendes rappourtées ci-dessus :: 2 florins
De Jehan Bertin de Veselay pour une amende
contre Jehan Malvit :: 6 florins
Du mercier pour une amende contre un compaingnon
de Fontainnes (fontainnes ?) :: 4 florins
D'un nommé le Gentilz, homme de Chievremont :: 3 florins
De Louvey devers (Lestout ?) :: 10 florins
De (Vuroy Fenulveney ?) de Perouse :: 7 florins 4sols balois
Du juifz de Montbeliart, en oultre les 99 florins
rappourtés cy-devant receut icelli Lombart
quant icelli juifz fut pris :: 6 florins
Item pour le cheval dudit juifz qui demeura
audit Lombart ; pour ce :: 8 florins.
(1) : 5 florins 2 gros = 62 gros, faisant 744 engroignes, à 12 engroignes le gros, ce qui correspond aux 186 fois 4 engroignes
#1 : Henry LE TIXERAND résidence : Vescemont #2 : Renault CUNIN | neveu de #1 #3 : Jacquot LOLLIER (contrevenant) | #4 : le grand Perrin (contrevenant) | #5 : Jean DE MOMBIS (contrevenant) | #6 : Jean BERTIN (contrevenant) | résidence : Vézelois pour une amende contre #7 #7 : Jean MALVIT | #8 : LE GENTILZ | résidence : Chèvremont |