Item est vray que en la dite ville sont plusieurs maisons
que tiennent plusieurs gentilz hommes & autres qui ne
paient point desdites toises & n'ont peu savoir lesdiz
commissaires la cause, feurs (1) tant seullement que l'en n'est
point racors (2) que l'en leur en vit onques rens (3) paier.
Toutevoye aucunz des gentilz hommes qui tiennent lesdiz
mex & maisons, leur predecesseurs les ont acquises d'autres
qui estoient des bourgois de la dite ville & en y a aucuns
que l'en dit estre de fied. & sont les particuliers estez portés cy après
folio commenceant 56.

Item n'ont peu avoir lesdiz commissaires veriffier les
parties lesdites toises, lesquelles, selon leur adviz, seroient
neccessaires de les (reconire ?) & remesurer quar ilz n'ont
point trouvé que l'en les vit onques mesurer, combien
que (4) mencion en devroit estre faite ès franchises
de la dite ville, lesquelles reglent & doivent regler
la maniere dudit mesurement & d... mas ilz n'en ont
peu avoir vission.

(1) fors (excepté)
(2) d'accord
(3) revenu
(4) bien que