Les dessusnommer bourgeois, considerant le bien, prouffit
et utilités de la ville dudit Belfort, ont ordonnez
et conclud oudit conseil que touz bourgeois de la ville de
Belfort peult avoir vin en son hostel pour sa despence
de lui et de sa maignie sens paier groz ne ongal
mais de tout de qu'ilz en vendront (deffendu ?) et que se
trairoit hors de la ville ilz paieront le groz et
ne peulvent vendre vin (deffendu ?) se n'est par la license du
maistre bourgeois, et se ainssin estoit que la ville faillit [manque]
à vin, ceulx qui auront du vin en doyvent bailler au
regart du tauxement, et se ilz estoient reffuser
cellui qui reffusera sera privez de la libertez dudict groz.